Uthman Ibn Affan Academy makaranta ce da a yanzu haka suke da tushe a garin Rishi, karamar hukumar Toro, jihar Bauchi.
Makaranta ce da ta shahara wajen bada tacaccen ilimin addinin Muslunci kamar yadda Annabi Muhammad (SAW) ya zo da shi daga ubangijin halittu, amma a kan fahimta da fassarar wadanda suka rayu tare da shi (magabata na farko), kuma ta na bada wannan ilimin ne a kowane mataki na rayuwar dan-adam (nursery, primary, secondary, da higher islamic).
Wannan makaranta shahararriya ce a yankin toro wajen ilimantar da yara, manya, da kuma tsofi ilimi da tarbiyya ta addinin muslunci. Sannan ta na da bangarori daban-daban (bangaren islamiyyah, hadda, matan aure, muhadarãt, da sauransu).
Sannan muna gabatar da karatuttuka a kowane rana daga ranakun sati. Bugu-da-qari, muna koyar da ilimi na zamani (boko) a matakin primary, inda ake koyawa dalibai yadda za su tunkari kowane irin qalubale na rayuwa kuma su samu mafita cikin sauqi da yardar Allah.

Kamar yadda makarantar ta shahara wajen koyar da alqura'ani da sauran ilmomi, haka ta shahara wajen samar da limaman Juma'ah, malamai masu karantarwa, kwararru a fannin sana'a da na'ura mai kwakwalwa.
Bayan haka, muna shirya daurori na ilimi a qarshen kowane wata, tare da ba da shedar kammala ita wannan daura din da abubuwan da mutum ya koya a ciki (certificates).